ഒരു ത്രികോണത്തിന്റെ വശങ്ങളുടെ നീളത്തെ a,b,c എന്നീ അക്ഷരങ്ങള്‍ കൊണ്ടും ചുറ്റളവിനെ  P എന്ന അക്ഷരം കൊണ്ടും സൂചിപ്പിച്ചാല്‍ ചുറ്റളവും വശങ്ങളുടെ നീളവും തമ്മിലുള്ള ബന്ധം എങ്ങനെ ചുരുക്കി എഴുതാം.?

1 ലിറ്റര്‍ മണ്ണെണ്ണയുടെ ഭാരം 800 ഗ്രാമാണ്. അപ്പോള്‍ 50 ഘനസെന്റീമീറ്റര്‍ മണ്ണെണ്ണയുടെ ഭാരം എത്രയാണ്.?

മണ്ണെണ്ണയുടെ സാന്ദ്രത (density) ഒരു ഘനസെന്റീമീറ്ററില്‍ എത്രയാണ്?

C മുടക്കുമുതലില്‍ വാങ്ങിയ സാധനം P% ലാഭത്തില്‍  S വിലയ്ക്കു വിറ്റു. ഇവ തമ്മിലുള്ള ബന്ധം എങ്ങനെ സൂചിപ്പിക്കാം?

പത്തുരൂപ നോട്ടുകളെ t  അക്ഷരം കൊണ്ടും 5 രൂപ നോട്ടുകളെ f എന്ന അക്ഷരം കൊണ്ടും സൂചിപ്പിക്കുന്നു. ആകെ തുകയെ A എന്നും സൂചിപ്പിക്കുന്നു. എങ്കില്‍ 3 പത്തുരൂപ നോട്ടുകളും 5 അഞ്ചു രൂപ നോട്ടുകളും കൂടി ആകെ എത്ര കിട്ടുമെന്ന് എങ്ങനെ സൂചിപ്പിക്കാം.?

ഒരു ചതുരകട്ടയുടെ നീളം l എന്നും വീതി b എന്നും ഉയരം h എന്നും വ്യാപ്തം v എന്നും സൂചിപ്പിച്ചാല്‍ അവ തമ്മിലുള്ള ബന്ധത്തെ എങ്ങനെ സൂചിപ്പിക്കാം.?

ഒരു സമ ഷഡ്ഭുജത്തിന്റെ ഒരു വശത്തിന്റെ നീളം a യും, ചുറ്റളവ്  p യും ആയാല്‍ അവ തമ്മിലുള്ള ബന്ധത്തെ എങ്ങനെ സൂചിപ്പിക്കാം?

ഒരു ചതുരത്തിന്റെ പരപ്പളവ് a യും നീളം l ഉം വീതി b യും ആയാല്‍  അവ തമ്മിലുള്ള ബന്ധത്തെ എങ്ങനെ സൂചിപ്പിക്കാം.?

ഒരു വസ്തുവിന്റെ നീളം i ഇഞ്ചും അതിന്റെ തന്നെ നീളം c സെന്റീമീറ്ററും ആയാല്‍ അവ തമ്മിലുള്ള ബന്ധത്തെ എങ്ങനെ സൂചിപ്പിക്കാം.?

അനുവിന്  അവളുടെ ചേച്ചിയേക്കാള്‍ 4 വയസ് കുറവാണ്. അനുവിന് ഇപ്പോള്‍ 10 വയസ്സായി. എങ്കില്‍ അനുവിന്റെ ചേച്ചിക്ക് എത്ര വയസായി.?