റാണി ഒരു മിക്സി വാങ്ങി. അതില്‍ 3850 രൂപയാണ് വില എഴുതിയിരിക്കുന്നത്. എന്നാല്‍ കടക്കാരന്‍ അതിനു 3500 രൂപ മാത്രമേ വാങ്ങിയുള്ളൂ. റാണിക്ക് എത്ര രൂപയാണ് ഡിസ് കൗണ്ട് ലഭിച്ചത്?

ഒരു കച്ചവടക്കാരന്‍ 15000 രൂപയ്ക്ക്  വാങ്ങിയ സാധനങ്ങള്‍ 18000 രൂപയ്ക്ക്  വിറ്റു. അയാള്‍ക്ക് എത്ര ശതമാനം ലാഭം ലഭിച്ചു?

ഒരു മലഞ്ചരക്ക് വ്യാപാരി 15000 രൂപയ്ക്ക് സാധനങ്ങള്‍ വാങ്ങി. അയാള്‍ക്കത് 14500 രൂപയ്ക്ക് വില്‍ക്കേണ്ടി വന്നു. അയാള്‍ക്ക് എത്ര രൂപയാണ്  നഷ്ടം ഉണ്ടായത്?

ഒരു ഇലക്ട്രിക് കടയില്‍ നിന്നും വിനോദ്  17000 രൂപ പരസ്യവിലയുള്ള ഒരു ടെലിവിഷന്‍ വാങ്ങി. വിനോദിന് 15% ഡിസ് കൗണ്ട് ലഭിച്ചു. വിനോദ് ടെലിവിഷന് എത്ര രൂപ നല്‍കി?

ലാഭം കണ്ടെത്താനുള്ള മാര്‍ഗം.

കിഷോര്‍ ചന്തയില്‍ നിന്നും 2750 രൂപയ്ക്ക്  പച്ചക്കറി വാങ്ങി. കടയിലെത്തിക്കാന്‍ ഓട്ടോ വിളിച്ചു.  ഓട്ടോ ചാര്‍ജ് 100 രൂപയായി. കിഷോര്‍ പച്ചക്കറി 3000 രൂപയ്ക്ക്  വിറ്റു എങ്കില്‍ കിഷോറിനു ലഭിച്ച ലാഭം എത്ര?

ഒരു കച്ചവടക്കാരന്‍ ഒരു ചാക്ക്  അരി വാങ്ങി. അയാള്‍ അത്  4000 രൂപയ്ക്ക്  വിറ്റപ്പോള്‍ 1725 രൂപ ലാഭം കിട്ടി. എങ്കില്‍ അയാള്‍ എത്ര രൂപയാക്കാണ് അരി വാങ്ങിയത്?

ഒരു കര്‍ഷകന്‍ വിളവെല്ലാം ചന്തയില്‍ കൊണ്ടു പോയി വിറ്റപ്പോള്‍ 28500 രൂപ ലഭിച്ചു. പക്ഷെ  അയാള്‍ക്ക്  5% നഷ്ടമാണുണ്ടായത്.  എങ്കില്‍ അയാള്‍ കൃഷിക്കായി മുടക്കിയ തുക എത്രയാണ്?

ആഷിക്  2 ലക്ഷം രൂപ മുടക്കി ഒരു ടെക്സ്റ്റൈല്‍ കട തുടങ്ങി. അതിലേക്ക്  4 ലക്ഷം രൂപയ്ക്ക്  തുണി വാങ്ങി. പക്ഷെ ആഷികിന്  നഷ്ടം സംഭവിച്ച്  കട മതിയാക്കേണ്ടി വന്നു. അയാള്‍ ഉണ്ടായിരുന്ന തുണികളെല്ലാം കൂടി 550000 രൂപയ്ക്ക്  വിറ്റു. ആഷികിന് എത്ര രൂപയാണ് നഷ്ടം സംഭവിച്ചത്?

ഒരു സ്ഥലം 850000 രൂപയ്ക്ക്  വിറ്റപ്പോള്‍ 25% ലാഭം കിട്ടി.  എങ്കില്‍ അയാളുടെ മുടക്കുമുതല്‍ എത്രയാണ്?