വിനോദ്  കാര്‍ഷിക വികസന ബാങ്കില്‍ നിന്നും 2000 രൂപ കടം വാങ്ങി. 2 വര്‍ഷം കഴിഞ്ഞ്  കടം തീര്‍ക്കാന്‍ 2250 രൂപയാണ് തിരികെ നല്‍കേണ്ടി വന്നത്. വിനോദ് എത്ര രൂപ കൂടുതല്‍ നല്‍കി?

അരുണ്‍ പലിശയ്ക്ക് കൊടുക്കുന്ന വ്യക്തിയാണ്. 100 രൂപയ്ക്ക് മാസം 9 രൂപ നിരക്കിലാണ് പണം കടം കൊടുക്കുന്നത്. വീടു വയ്ക്കാന്‍ പണം തികയാതെ വന്നപ്പോള്‍ ജോസഫിന്  35000 രൂപ അരുണില്‍ നിന്നും കടം വാങ്ങേണ്ടതായി വന്നു. ഓരോ മാസവും പലിശ നല്‍കണം എന്ന കരാറിലാണ് പണം നല്‍കിയത്. ഒരു മാസം കഴിഞ്ഞ് ജോസഫ് എത്ര രൂപ പലിശയായി നല്‍കേണ്ടി വരും?

സഹകരണ ബാങ്കില്‍ നിന്നും ഗീതു 5000 രൂപ ലോണ്‍ എടുത്തു. പലിശനിരക്ക് 15 % ആണ്. രണ്ട് വര്‍ഷം കഴിഞ്ഞ് കടം വീട്ടാന്‍ എത്ര രൂപ തിരിച്ചടയ്ക്കണം?

വേണു പുതിയ ഒരു കട തുടങ്ങാന്‍ തീരുമാനിച്ചു. ഇതിനായി സഹകരണ ബാങ്കില്‍ നിന്നും 15000 രൂപ 10% പലിശ നിരക്കിൽ കടമെടുത്തു. കട നഷ്ടത്തിലായതിനാല്‍ ഒരു വര്‍ഷം കഴിഞ്ഞിട്ടും ഒരു രൂപ പോലും തിരിച്ചടയ്ക്കാന്‍ വേണുവിന് കഴിഞ്ഞില്ല. രണ്ടാം വര്‍ഷമായപ്പോള്‍ ഒരു വര്‍ഷത്തെ പലിശയും ചേര്‍ത്താണ് വേണു കടം കണക്കാക്കിയത്. രണ്ടു വര്‍ഷത്തേക്ക് വേണു എത്ര രൂപ പലിശ നല്‍കണം? 

ദാമു ഒരു വ്യാപാരിയാണ്. അയാള്‍ നിക്ഷേപകര്‍ക്ക്  7% പലിശയാണ് നല്‍കുന്നത്. രാജീവ്  9000 രൂപ നിക്ഷേപിച്ചു. രണ്ടു വര്‍ഷം കഴിഞ്ഞ് പലിശയായി എത്ര രൂപ കിട്ടും?

ദീന 4000 രൂപ കടമെടുത്തു. ഒരു വര്‍ഷം കഴിഞ്ഞ്  4400 രൂപ തിരിച്ചടച്ചു. ബാങ്കിലെ പലിശ നിരക്ക് എത്ര?

രാമു സഹകരണ ബാങ്കില്‍ നിന്നും 4000 രൂപ കടം വാങ്ങി. മൂന്നു വര്‍ഷം കഴിഞ്ഞപ്പോൾ 5000 രൂപ തിരികെ കൊടുത്തു. രാമു ബാങ്കിനു നല്‍കിയ പലിശ എത്ര?

രാമു ബങ്കില്‍ നിന്നും 4500 രൂപ കടമെടുത്തു. ഒരു വര്‍ഷം കഴിഞ്ഞ്  5000 രൂപ തിരികെ അടച്ചെങ്കില്‍ രാമു എത്ര രൂപ പലിശ നല്‍കി?

സുധീഷ്‌  8000 രൂപ കടമെടുത്ത്  ഒരു ബിസിനസ്സ്  ആരംഭിച്ചു. ഒരു വര്‍ഷത്തിന്  300 രൂപ എന്ന പലിശ നിരക്കിലാണ്  പണം കടമെടുത്തത്. രണ്ടു വര്‍ഷത്തിനു ശേഷം സുധീഷ്‌ പലിശ നല്‍കുമ്പോള്‍ എത്ര രൂപ നല്‍കേണ്ടി വരും?

ചമ്പകശ്ശേരിയിലെ വിളയില്‍ ഫിനാന്‍സ് 100 രൂപയ്ക്ക്  മാസം 5 രൂപ നിരക്കിലാണ് പണം കടം കൊടുക്കുന്നത്. ഒരു കാര്‍ വാങ്ങുന്നതിനു വേണ്ടി ദീപു 20000 രൂപ കടം വാങ്ങി. ഒരു വര്‍ഷം കഴിഞ്ഞ് എത്ര രൂപ പലിശ കൊടുക്കണം?