അടുത്തടുത്ത രണ്ടു ഒറ്റസംഖ്യകളുടെ വര്‍ഗ്ഗങ്ങളുടെ തുക 290 ആയാല്‍ സംഖ്യകള്‍ ഏതെല്ലാം ?

K യുടെ ഏത് വിലക്കാണ്  9x²-kx +81=0 എന്ന സമവാക്യത്തിന് തുല്യ പരിഹാരം ഉള്ളത് ?

2kx²-40x+25=0 എന്ന ദ്വിമാന സമവാക്യത്തിന്റെ പരിഹാരങ്ങള്‍ തുല്യമായാല്‍ K യുടെ വില എന്ത് ?

ഒരു എന്‍.സി.സി. പരേഡില്‍ ഏറ്റവും മുന്നില്‍ നില്‍ക്കുന്ന കുട്ടി നില്‍ക്കുന്ന സ്ഥലത്ത് നിന്നും ഏതാനും മീറ്റര്‍ മുന്നോട്ട് മാര്‍ച്ച്‌ ചെയ്ത ശേഷം നേരെ വലത്തോട്ട് തിരിഞ്ഞു മുന്നോട്ടു നടന്ന ദൂരത്തെക്കാള്‍ 7 മീറ്റര്‍ കൂടുതല്‍ നടന്നു. ഇപ്പോള്‍ കുട്ടി പുറപ്പെട്ട സ്ഥലത്ത് നിന്ന് 13 മീറ്റര്‍ അകലെയാണെങ്കില്‍ കുട്ടി നടന്ന ആകെ ദൂരം എത്ര ?

ഒരു മട്ട ത്രികോണത്തിന്റെ ലംബം പാദത്തിനെക്കാള്‍ 7 സെ.മീ. കുറവാണ്. കര്‍ണ്ണം 13 സെ.മീ. ആയാല്‍ അതിന്റെ രണ്ടു വശങ്ങളും കണ്ടുപിടിക്കുക .

ചതുരാകൃതിയിലുള്ള ഒരു കളിസ്ഥലത്തിന്റെ ചുറ്റളവ്‌ 80 മീറ്ററും പരപ്പളവ്‌ 400 ചതുരശ്ര മീറ്ററും ആയാല്‍ അതിന്റെ നീളവും വീതിയും കാണുക 

80 മീ. നീളവും 40 മീ. വീതിയുമുള്ള ചതുരാകൃതിയിലുള്ള ഒരു തോട്ടത്തിന് ചുറ്റും വെളിയിലായി ഒരു പാതയുണ്ട്. പാതയുടെ പരപ്പളവ്‌ 1300 ച.മീ. ആയാല്‍ പാതയുടെ വീതി എത്രയായിരിക്കും ?

തുടര്‍ച്ചയായ മൂന്നു എണ്ണല്‍ സംഖ്യകളില്‍ ആദ്യത്തെ സംഖ്യയുടെ വര്‍ഗ്ഗത്തിന്റെയും രണ്ടും മൂന്നും സംഖ്യകളുടെ ഗുണനഫലത്തിന്റെയും തുക 154 ആയാല്‍ സംഖ്യകള്‍ ഏതെല്ലാം ?

രണ്ടു സംഖ്യകളുടെ തുക 15 ഉം അവയുടെ വ്യുല്‍ക്രമങ്ങളുടെ തുക 3/10 ആയാല്‍ സംഖ്യകള്‍ ഏതെല്ലാം?

അടുത്തടുത്ത രണ്ടു പൂര്‍ണ്ണസംഖ്യകളുടെ ഗുണനഫലം 306 എന്നതിന്റെ സമവാക്യം രൂപീകരിക്കുക.